У Брэсце абмеркавалі пытанні патэнтнай аховы для павышэння камерцыйнага патэнцыялу навукова-тэхналагічных распрацовак

24 верасня 2026 г. на базе Брэсцкага навукова-тэхналагічнага парку адбыўся навукова-практычны семінар «Комплексная патэнтная ахова для павышэння камерцыйнага патэнцыялу навукова-тэхналагічных распрацовак». Арганізатарамі выступілі Еўразійскае патэнтнае ведамства, Нацыянальны цэнтр інтэлектуальнай уласнасці (НЦІУ), Брэсцкі навукова-тэхналагічны парк.

На адкрыцці семінара з прывітальным словам выступіў генеральны дырэктар НЦІУ Аляксей Курман. Ён падкрэсліў, што Брэсцкі навукова-тэхналагічны парк з'яўляецца найбуйнейшым суб'ектам інавацыйнай інфраструктуры рэгіёна.

«Сёння тут ажыццяўляюць дзейнасць каля 50 рэзідэнтаў, якія забяспечваюць стварэнне каля 750 высокапрадукцыйных рабочых месцаў. Больш за палову кампаній парку займаюцца не толькі распрацоўкамі, але і рэальнай вытворчасцю – ад сістэм аўтаматызацыі і медыцынскага абсталявання да складанай металаапрацоўкі і харчовых тэхналогій. Важна, каб кожная з гэтых кампаній разумела: іх распрацоўкі – гэта найкаштоўнейшы нематэрыяльны актыў, які патрабуе надзейнай прававой аховы», – сказаў генеральны дырэктар НЦІУ.

У выступе Аляксей Курман таксама адзначыў, што рэзідэнты тэхнапарка выкарыстоўваюць інструменты камерцыялізацыі вынікаў інтэлектуальнай дзейнасці, напрыклад, па дагавору франчайзінгу ў сферы выкарыстання вылічальнай тэхнікі, распараджэнню правамі на карысныя мадэлі і таварныя знакі па ліцэнзійных дагаворах і дагаворах саступкі.

Даведка:

У Беларусі надаецца вялікая ўвага стымуляванню стварэння і ўкаранення вынікаў інтэлектуальнай дзейнасці. Так, з 2025 г. вызваленыя ад выплаты пошлін плацельшчыкі за атрыманне патэнта на аб'екты права прамысловай уласнасці, якія з'яўляюцца вынікамі навуковай і навукова-тэхнічнай дзейнасці, створанымі за кошт бюджэтных сродкаў. Навуковыя арганізацыі і рэзідэнты навукова-тэхналагічных паркаў выплачваюць 25 % ад устаноўленага памеру пошліны за атрыманне прававой аховы на вынаходствы, карысныя мадэлі, прамысловыя ўзоры, сарты раслін.

Таксама дзейнічае стымулюючая падатковая льгота, якая вызваляе ад выплаты падатку на дабаўленую вартасць абаротаў па рэалізацыі маёмасных правоў на вынаходствы, карысныя мадэлі, прамысловыя ўзоры, селекцыйныя дасягненні, тапалогіі інтэгральных мікрасхем, сакрэты вытворчасці (ноу-хау).

Больш навін аб інтэлектуальнай уласнасці – у нашых сацсетках (Telegram, Instagram).