Міжнародны семінар «Тэхналагічныя трэнды і іх роля ў развіцці спорту: пытанні аховы правоў на аб'екты інтэлектуальнай уласнасці» прайшоў у Мінску

23 красавіка 2026 г. у Мінску адбыўся Міжнародны семінар «Тэхналагічныя трэнды і іх роля ў развіцці спорту: пытанні аховы правоў на аб'екты інтэлектуальнай уласнасці», прымеркаваны да Міжнароднага дня інтэлектуальнай уласнасці.

Арганізатарамі семінара выступілі Дзяржаўны камітэт па навуцы і тэхналогіях Рэспублікі Беларусь (ДКНТ) і Нацыянальны цэнтр інтэлектуальнай уласнасці (НЦІУ) пры падтрымцы Сусветнай арганізацыі інтэлектуальнай уласнасці (САІУ), Нацыянальнага алімпійскага камітэта Рэспублікі Беларусь (НАК), Міністэрства спорту Рэспублікі Беларусь, Беларускага дзяржаўнага ўніверсітэта фізічнай культуры (БДУФК).

На адкрыцці семінара з прывітальнымі словамі выступілі Старшыня ДКНТ Дзяніс Каржыцкі, Генеральны дырэктар САІУ Дарэн Танг (анлайн), віцэ-прэзідэнт НАК Дзмітрый Даўгалёнак, старшыня Пастаяннай камісіі Савета Рэспублікі Нацыянальнага сходу Рэспублікі Беларусь па адукацыі, навуцы, культуры і сацыяльным развіцці Наталля Паўлючэнка, Віцэ-прэзідэнт ЕАПВ ЕАПА Уладзімір Рабаволаў, галоўны саветнік ЗАТ «Галаграфічная індустрыя», заслужаны вынаходнік Рэспублікі Беларусь Леанід Танін, генеральны дырэктар НЦІУ Аляксей Курман.

Падчас мерапрыемства прадстаўнікі Міністэрства спорту Рэспублікі Беларусь, Дзяржаўнага мытнага камітэта Рэспублікі Беларусь, Еўразійскага патэнтнага ведамства Еўразійскай патэнтнай арганізацыі, Белтэлерадыёкампаніі, БДУФК, Беларускага дзяржаўнага эканамічнага ўніверсітэта, навукова-тэхналагічнага парку БНТУ «Палітэхнік», РНПЦ спорту, Асацыяцыі франчайзераў і франчайзі «Белфранчайзінг», а таксама вядучыя эксперты НЦІУ расказалі пра асаблівасці распараджэння правамі на аб'екты інтэлектуальнай уласнасці ў сферы спорту, пра механізмы камерцыйнага выкарыстання гэтых аб'ектаў, а таксама пра ахову правоў у кантэксце асвятлення спартыўных мерапрыемстваў.

 
Акрамя таго, абмяркоўваліся спецыфіка аўтарскага права ў спорце, пытанні франчайзінгу, спонсарскіх дагавораў перадачы правоў на выкарыстанне інтэлектуальнай уласнасці клуба партнёрам і інш.

Завяршыўся семінар уручэннем сертыфікатаў, якія пацвярджаюць удзел у навучанні ў рамках праграмы мерапрыемства.

Больш навін аб інтэлектуальнай уласнасці – у нашых сацсетках
(Facebook, Instagram, Telegram).