У ДКНТ абмеркавалі перспектывы супрацоўніцтва ў сферы інтэлектуальнай уласнасці з прадстаўнікамі ЕАПВ

23 сентября 2026

Падзеі

22 верасня 2026 г. адбыўся візіт Прэзідэнта Еўразійскага патэнтнага ведамства Еўразійскай патэнтнай арганізацыі Рыгора Іўліева і віцэ-прэзідэнта ЕАПВ Уладзіміра Рабаволава ў Дзяржаўны камітэт па навуцы і тэхналогіях Рэспублікі Беларусь. У мерапрыемстве прынялі ўдзел Старшыня ДКНТ Дзяніс Каржыцкі, генеральны дырэктар Нацыянальнага цэнтра інтэлектуальнай уласнасці Аляксей Курман.

У рамках мерапрыемства бакі дэталёва абмеркавалі шэраг напрамкаў у сферы інтэлектуальнай уласнасці і перспектывы супрацоўніцтва НЦІУ і ЕАПВ. Асноўныя напрамкі ўключаюць пытанні цыфравізацыі (развіццё сумесных ІТ-рашэнняў, аўтаматызацыя працэсаў і інтэграцыя інфармацыйных сістэм у сферы інтэлектуальнай уласнасці), адукацыйныя праграмы (падрыхтоўка кадраў, павышэнне кваліфікацыі спецыялістаў і запуск новых навучальных ініцыятыў), развіццё Еўразійскай біржы інтэлектуальнай уласнасці (механізмы камерцыялізацыі інтэлектуальнай уласнасці і стварэнне адзінай платформы для трансферу тэхналогій), гарманізацыі заканадаўства і паглыблення інтэграцыйных працэсаў паміж Беларуссю і Расіяй у сферы патэнтнага права, прававыя і практычныя аспекты ўкаранення новых адзіных ахоўных дакументаў рэгіянальнага ўзроўню.

Удзельнікі сустрэчы выказалі ўпэўненасць, што рэалізацыя дасягнутых дамоўленасцей будзе садзейнічаць далейшаму ўмацаванню інтэграцыйных працэсаў і развіццю інавацыйнага патэнцыялу дзвюх краін.

Больш навін аб інтэлектуальнай уласнасці – у нашых сацсетках (Instagram, Telegram).