У НЦІУ прайшоў Адзіны дзень інфармавання

22 студзеня 2025 г. у Нацыянальным цэнтры інтэлектуальнай уласнасці (НЦІУ) адбыўся Адзіны дзень інфармавання.

У рамках мерапрыемства, прысвечанага ключавым аспектам Паслання Прэзідэнта Рэспублікі Беларусь Аляксандра Лукашэнкі беларускаму народу і Нацыянальнаму сходу Рэспублікі Беларусь, генеральны дырэктар НЦІУ Аляксей Курман прадставіў асноўныя вынікі пяцігодкі, якая завяршылася, а таксама прыярытэтныя напрамкі развіцця краіны да 2030 г.

Генеральны дырэктар НЦІУ таксама адзначыў значэнне моладзі ў сацыяльна-эканамічных і палітычных працэсах краіны, акцэнтаваўшы ўвагу на неабходнасці выхавання ў падрастаючага пакалення адказнасці за будучыню Беларусі і важнасці яе грамадзянскай пазіцыі ў працэсе фарміравання вобразу рэспублікі на сусветнай арэне.

У ходзе абмеркавання былі разгледжаны асноўныя напрамкі развіцця і шляхі рэалізацыі маладзёжнай палітыкі Беларусі, уключаючы даступнасць адукацыі, гнуткасць прафесійнай падрыхтоўкі, развіццё інфраструктуры і дэмаграфічная бяспека і інш.

Даведка:
Адзіныя дні інфармавання насельніцтва праводзяцца ў трэці чацвер кожнага месяца па тэматыцы, якая вызначаецца Адміністрацыяй Прэзідэнта Рэспублікі Беларусь, з мэтай забеспячэння грамадзян канстытуцыйным правам на поўную і дакладную інфармацыю аб дзейнасці дзяржаўных органаў, іншых арганізацый, а таксама для растлумачэння дзяржаўнай палітыкі і актывізацыі ўдзелу грамадзян у яе рэалізацыі.

Больше новостей об интеллектуальной собственности – в наших соцсетях (Facebook, Instagram, Telegram, VK).

Фото: Злата Лукашэвіч