У НЦІУ прайшоў Адзіны дзень інфармавання

21 ноября 2025

Падзеі

20 лістапада 2025 г. у Нацыянальным цэнтры інтэлектуальнай уласнасці (НЦІУ) прайшоў Адзіны дзень інфармавання, прысвечаны пытанням кібербяспекі і прафілактыкі кіберзлачыннасці.

Намеснік начальніка ўпраўлення лічбавых тэхналогій НЦІУ Андрэй Журыд прадставіў даклад, у якім спыніўся на актуальных пагрозах, з якімі сутыкаецца Рэспубліка Беларусь з-за частых кібератак, якія ўяўляюць сур'ёзную рызыку для нацыянальнай і эканамічнай бяспекі.

Акрамя таго, у ходзе мерапрыемства былі разгледжаны распаўсюджаныя на сённяшні дзень схемы махлярства, такія як званкі ад імя службовых асоб, крадзеж грошай з банкаўскіх карт, выкарыстанне штучнага інтэлекту ў злачынных дзеяннях і інш.

Даведка:
Адзіныя дні інфармавання насельніцтва праводзяцца ў трэці чацвер кожнага месяца па тэматыцы, якая вызначаецца Адміністрацыяй Прэзідэнта Рэспублікі Беларусь, з мэтай забеспячэння грамадзян канстытуцыйным правам на поўную і дакладную інфармацыю аб дзейнасці дзяржаўных органаў, іншых арганізацый, а таксама для растлумачэння дзяржаўнай палітыкі і актывізацыі ўдзелу грамадзян у яе рэалізацыі.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: Злата Лукашевіч