НЦІУ наведаў Часовы павераны ў справах Беларусі ў Францыі

21 мая 2024

Падзеі

20 мая 2024 г. Нацыянальны цэнтр інтэлектуальнай уласнасці (НЦІУ) наведаў Часовы павераны ў справах Беларусі ў Францыі Кірыл Грушэўскі.

У рамках сустрэчы бакі абмеркавалі пытанні ўзаемадзеяння НЦІУ і Міжнароднай канфедэрацыі таварыстваў аўтараў і кампазітараў (CISAC) (штаб-кватэра ў Парыжы).

Ва ўмовах санкцыйных абмежаванняў, уведзеных у дачыненні да Рэспублікі Беларусь, НЦІУ сутыкнуўся з шэрагам складанасцяў пры выкананні абавязацельстваў, якія тычацца сяброўства ў CISAC.

Аказаная пасольствам Рэспублікі Беларусь у Французскай Рэспубліцы падтрымка дазволіла забяспечыць высокі ўзровень узаемадзеяння НЦІУ і CISAC, што, безумоўна, станоўча адаб'ецца на выкананні НЦІУ функцый па калектыўным кіраванні.

Даведка:
CISAC з'яўляецца міжнароднай няўрадавай, некамерцыйнай арганізацыяй, якая аб'ядноўвае арганізацыі па кіраванні аўтарскімі правамі.

CISAC прадстаўляе больш за 5 млн творцаў розных мастацкіх рэпертуараў, такіх як музыка, аўдыёвізуальнае мастацтва, драматургія, літаратура і візуальныя мастацтвы. У арганізацыі больш за 225 сяброўскіх таварыстваў у больш чым 116 краінах свету.

Больш навін аб інтэлектуальнай уласнасці – у нашых сацсетках (Facebook, Instagram, Telegram).