У Мінску праходзіць выстава «Мая Беларусь»

19 снежня 2025 г. пачала сваю працу выстава дасягненняў суверэннай Беларусі «Мая Беларусь».

У складзе калектыўнага раздзела навукова-тэхнічных распрацовак у рамках галіновай экспазіцыі «Навука і інавацыі» (тэматычны блок «Інавацыйная інфраструктура»), арганізаванага Дзяржаўным камітэтам па навуцы і тэхналогіях Рэспублікі Беларусь і Нацыянальнай акадэміяй навук Беларусі, працуе кансультацыйны пункт Нацыянальнага цэнтра інтэлектуальнай уласнасці (НЦІУ).

Удзельнікаў і наведвальнікаў выставы інфармуюць аб паслугах, якія прадстаўляюцца НЦІУ, праводзяцца кансультацыі па пытаннях, звязаных з аховай інтэлектуальнай уласнасці. Таксама наведвальнікі могуць паўдзельнічаць у віктарыне «Што ты ведаеш аб інтэлектуальнай уласнасці» і выйграць сертыфікат са зніжкай на навучанне ў НЦІУ.

Даведка:
Выстава «Мая Беларусь» праходзіць у Мінскім міжнародным выставачным цэнтры «БелЭкспа» па 23 лютага 2026 г. Экспазіцыя выставы прадстаўлена ў фармаце тэматычных лакацый. Тут можна пазнаёміцца з перадавымі дасягненнямі Беларусі ў розных галінах эканомікі, здзейсніць віртуальныя падарожжы ў асобныя рэгіёны, акунуцца ў культуру і традыцыі, адкрыць новае пра краіну.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: Таццяна Цішурова