IV Міжнародны навукова-практычны круглы стол «Права ІУ: гісторыя станаўлення і перспектывы»

18 сакавіка 2025 г. на базе юрыдычнага факультэта Беларускага дзяржаўнага ўніверсітэта адбыўся IV Міжнародны навукова-практычны семінар «Права інтэлектуальнай уласнасці: гісторыя станаўлення і перспектывы» (у рамках Мемарандума аб супрацоўніцтве паміж Нацыянальным цэнтрам інтэлектуальнай уласнасці і БДУ).

Круглы стол традыцыйна сабраў вядучых спецыялістаў і практыкаў для абмеркавання актуальных праблем тэорыі і практыкі права інтэлектуальнай уласнасці, а таксама разгляду прапаноў па ўдасканаленні нацыянальнага заканадаўства з улікам гістарычнага кантэксту і перадавога замежнага вопыту.

У ходзе мерапрыемства эксперты НЦІУ распавялі аб выкарыстанні вынікаў праверкі патэнтаздольнасці тэхнічнай прадукцыі для яе наступнай камерцыялізацыі, ключавых аспектах калектыўнага кіравання маёмаснымі правамі ў Рэспубліцы Беларусь, атрымання ў спадчыну выключных правоў на аб'екты інтэлектуальнай уласнасці і інш.

Даведка:
Штогод прафесарска-выкладчыцкі састаў і студэнты актыўна ўдзельнічаюць у Міжнароднай навукова-практычнай канферэнцыі НЦІУ «Інтэлектуальная ўласнасць у сучасным свеце: выклікі часу і перспектывы развіцця», публікуюць навукова-практычныя артыкулы ў часопісе  «Інтэлектуальная ўласнасць у Беларусі».

Студэнты БДУ рэгулярна прадстаўляюць свае праекты на конкурсе НЦІУ сярод моладзі на лепшую працу ў сферы інтэлектуальнай уласнасці. Акрамя таго, яны праходзяць пераддыпломную практыку ў ведамстве з магчымасцю наступнага працаўладкавання. Таксама з 2020 г. у БДУ пры падтрымцы НЦІУ функцыянуе Цэнтр падтрымкі тэхналогій і інавацый.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: Наталля Багдановіч