Апеляцыйнаму савету пры НЦІУ – 30 гадоў

17 лістапада 1995 г. Загадам Старшыні Белдзяржпатэнта № 45 быў створаны Апеляцыйны савет патэнтнай экспертызы і экспертызы па таварных знаках пры Белдзяржпатэнце (Апеляцыйны савет). Пазней, 12 снежня таго ж года, загадам Міністэрства адукацыі і навукі Рэспублікі Беларусь № 462 было зацверджана Палажэнне аб Апеляцыйным савеце, якое замацавала яго прававы статус.

Апеляцыйны савет быў вызначаны як орган абскарджання рашэнняў патэнтнай экспертызы па заяўках на вынаходствы, прамысловыя ўзоры, сарты раслін, экспертызы па таварных знаках, а таксама пярэчанняў супраць выдачы патэнтаў і сведчанняў на аб'екты прамысловай уласнасці, які выносіць па іх рашэнні.

За тры дзесяцігоддзі сваёй плённай дзейнасці Апеляцыйны савет прыняў да разгляду больш за 1100 скаргаў і пярэчанняў, а таксама звыш 50 заяў аб прызнанні таварнага знака агульнавядомым у Рэспубліцы Беларусь.

Сёння Апеляцыйны савет застаецца запатрабаванай і прафесійнай пляцоўкай для дасудовага вырашэння складаных прававых спрэчак па пытаннях аховы інтэлектуальнай уласнасці.

Віншуем з юбілеем і жадаем далейшых поспехаў у развіцці нацыянальнай сістэмы інтэлектуальнай уласнасці!

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: Злата Лукашевіч