А. Курман: «У Беларусі зарэгістравана больш за 9 тыс. таварных знакаў спартыўнай тэматыкі»

16 красавіка 2026 г. у Нацыянальным прэс-цэнтры Рэспублікі Беларусь адбылася прэс-канферэнцыя на тэму «Міжнародны дзень інтэлектуальнай уласнасці. Аб ролі аховы інтэлектуальнай уласнасці ў сферы спорту».

У мерапрыемстве прынялі ўдзел генеральны дырэктар Нацыянальнага цэнтра інтэлектуальнай уласнасці Аляксей Курман, дырэктар Інстытута менеджменту спорту і турызму Беларускага дзяржаўнага ўніверсітэта фізічнай культуры Валянціна Ананьева, начальнік навукова-інавацыйнага аддзела НДІ фізіка-хімічных праблем Беларускага дзяржаўнага ўніверсітэта Юрый Нечэпурэнка.

«Спартыўная індустрыя – гэта велізарны эканамічны складнік: рэклама, брэндаванне клубаў, спартыўныя арэны. Нашы спартыўныя федэрацыі і клубы актыўна карыстаюцца ўсімі даступнымі інструментамі ў сферы інтэлектуальнай уласнасці. У Беларусі зарэгістравана больш за 9 тыс. таварных знакаў, якія адносяцца да спартыўнай тэматыкі, і больш за 100 патэнтаў на аб'екты прамысловай уласнасці ў сферы спорту», – адзначыў генеральны дырэктар НЦІУ.

Акрамя таго, спартыўная індустрыя ўключае ўсё, што звязана са спартыўнай медыцынай, фармакалогіяй, падрыхтоўкай спартсменаў, працэсамі аднаўлення пасля траўмаў. У НЦІУ пададзены заяўкі на патэнты ў дачыненні да імітатараў лыжных трэніровак, комплексаў для трэніроўкі барцоў, распрацовак у галіне спартыўнай медыцыны.

«Навукова-тэхнічная сфера таксама ўносіць свой уклад. З гэтага года ў дзяржаўных навукова-тэхнічных праграмах будзе рэалізоўвацца праграма «Тэхналогіі і спорт», і мы чакаем на працягу пяці гадоў атрыманне новых вынікаў навукова-тэхнічнай дзейнасці ў рамках яе выканання», – дадаў Аляксей Курман.

З поўнай версіяй прэс-канферэнцыі можна азнаёміцца па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram).

Фота: Фёдар Рамашка