А. Курман: «Адсутнасць прававой аховы аб'ектаў ІУ робіць экспарцёра ўразлівым перад нядобрасумленнымі канкурэнтамі і кантрафактнай вытворчасцю»

17 февраля 2026

Падзеі

У 2025 г. знешні гандлёвы абарот краіны дасягнуў амаль 90 млрд долараў, што падкрэслівае высокую запатрабаванасць беларускай прадукцыі на сусветным рынку. Пра гэта 17 лютага 2026 г. на прэс-канферэнцыі ў Доме прэсы, прысвечанай Міжнароднай канферэнцыі па абароне нацыянальных брэндаў: ад рэгістрацыі таварных знакаў, процідзеяння нядобрасумленнасці да кібербяспекі (5 сакавіка 2026 г.), заявіў генеральны дырэктар Нацыянальнага цэнтра інтэлектуальнай уласнасці (НЦІУ) Аляксей Курман.

«Адсутнасць прававой аховы робіць экспарцёра ўразлівым перад нядобрасумленнымі канкурэнтамі і кантрафактнай вытворчасцю. Таму адной з найважнейшых задач для прадпрыемстваў, якія імкнуцца да манапалізацыі на міжнародных рынках, з'яўляецца ахова і абарона правоў на аб'екты інтэлектуальнай уласнасці», – адзначыў генеральны дырэктар НЦІУ.

Рэспубліка Беларусь актыўна ўдзельнічае ў міжнародных дагаворах, што дазваляе нацыянальным вытворцам атрымліваць прававую ахову на ўзроўні міжнароднай і рэгіянальнай сістэм: «У 2025 годзе беларускія кампаніі падалі 116 заявак па міжнароднай сістэме, што сведчыць аб росце цікавасці да аховы сваіх правоў. Сістэмная праца з інтэлектуальнай уласнасцю спрыяе захаванню рэпутацыі і ўмацаванню даверу партнёраў і спажыўцоў за мяжой», – дадаў Аляксей Курман.

НЦІУ плануе запуск новых ініцыятыў, уключаючы прыняцце еўразійскіх заявак на таварныя знакі, знакі абслугоўвання і назвы месцаў паходжання тавару. У цяперашні час вядзецца праца па тэхналагічным запуску названай працэдуры.

Сёння імкліва развіваецца продаж тавараў з дапамогай маркетплейсаў, што таксама патрабуе ўзмоцненага маніторынгу і мер па супрацьдзеянні парушэнням у анлайн-асяроддзі: «Беларускія вытворцы дэманструюць станоўчы прыклад актыўнага выкарыстання інструментаў прававой аховы аб'ектаў інтэлектуальнай уласнасці. Назіраецца станоўчая дынаміка па колькасці заявак, пададзеных беларускімі заяўнікамі па міжнароднай і рэгіянальнай працэдурах. Рост склаў 102,1 % да ўзроўню 2024 г. НЦІУ заўсёды гатовы аказаць ўсебаковую дапамогу нашым экспарцёрам – ад кансультацыі ў сферы інтэлектуальнай уласнасці да арганізацыі навучання, у тым ліку галіновага, – папярэдне вывучыўшы спецыфіку канкрэтнай арганізацыі», – сказаў на заканчэнне генеральны дырэктар НЦІУ.

Больше новостей об интеллектуальной собственности – в наших соцсетях (Facebook, Instagram, Telegram, VK).

Фота: Федар Рамашка