На шляху да фіналу конкурсу ў сферы вынаходніцтва «Лепшы патэнт Беларусі»: Інстытут эксперыментальнай ветэрынарыі імя С.Н.Вышалескага

Па папярэдніх выніках конкурсу ў сферы вынаходніцтва «Лепшы патэнт Беларусі» вызначаны 15 фіналістаў, адным з якіх стала Рэспубліканскае навукова-даследчае даччынае ўнітарнае прадпрыемства «Інстытут эксперыментальнай ветэрынарыі імя С.Н.Вышалескага». Асноўнымі напрамкамі дзейнасці інстытута з'яўляюцца распрацоўка і ўдасканаленне метадаў дыягностыкі, прафілактыкі, лячэння, мер барацьбы з інфекцыйнымі, паразітарнымі і незаразнымі хваробамі сельскагаспадарчых жывёл, птушак, пчол, стварэнне сучасных вакцын, лекавых прэпаратаў, высокаспецыфічных дыягностыкумаў, сродкаў карэкцыі абмену рэчываў, якія забяспечваюць ветэрынарную абарону жывёл і дапамагаюць атрымаць экалагічна чыстую прадукцыю жывёлагадоўлі.

На конкурс прадстаўлены распрацаваныя Інстытутам эксперыментальнай ветэрынарыі імя С.Н.Вышалескага «Сінтэтычныя алігануклеатыдныя праймеры і спосаб дыягностыкі віруснай дыярэі буйной рагатай жывёлы», якія ахоўваюцца патэнтам на вынаходства Рэспублікі Беларусь № 23273.

Вынаходства належыць вобласці біятэхналогіі, у прыватнасці генетычнай інжынерыі, і выкарыстоўваецца ў ветэрынарнай вірусалогіі для дыягностыкі інфекцыйных захворванняў сельскагаспадарчых жывёл, у тым ліку буйной рагатай жывёлы, а таксама для вырашэння навукова-даследчых задач па маніторынгу і вывучэнню уласцівасцяў віруса Bovine viral diarrhea virus.

Прадстаўленая тэст-сістэма па патэнце на вынаходства Рэспублікі Беларусь № 23273 выкарыстоўваецца ў ветэрынарнай практыцы з дапамогай дыягнастычных даследаванняў біялагічных пробаў жывёл гаспадарак усіх абласцей Рэспублікі Беларусь, а таксама пры правядзенні навуковых даследаванняў па выяўленні вірусаў у буйной рагатай жывёлы, якія цыркулююць на тэрыторыі краіны.

Нагадаем, што вызначэнне пераможцы конкурсу і ўзнагароджанне адбудзецца ў рамках IV Міжнароднай навукова-практычнай канферэнцыі «Інтэлектуальная ўласнасць у сучасным свеце: выклікі часу і перспектывы развіцця», якая пройдзе 22-23 кастрычніка 2024 г.

Жадаем поспеху фіналісту конкурсу «Лепшы патэнт Беларусі»!

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).