Падоўжаны прыём заявак на конкурс сацыяльнай рэкламы «СТВАРАЙ. ВЫНАХОДЗЬ. УВАСАБЛЯЙ. 2025»

14 ноября 2025

Падзеі

Па шматлікіх просьбах удзельнікаў прыём заявак на конкурс сацыяльнай рэкламы «СТВАРАЙ. ВЫНАХОДЗЬ. УВАСАБЛЯЙ. 2025», які праводзіцца Нацыянальным цэнтрам інтэлектуальнай уласнасці, падоўжаны – конкурсныя работы прымаюцца па 15 снежня 2025 г.     

Арганізатары конкурсу – Дзяржаўны камітэт па навуцы і тэхналогіях Рэспублікі Беларусь і Нацыянальны цэнтр інтэлектуальнай уласнасці.

Мэта конкурсу – прыцягненне ўвагі грамадскасці да пытанняў інтэлектуальнай уласнасці, распаўсюджванне ведаў у гэтай галіне, а таксама папулярызацыя яе значнасці для сацыяльна-эканамічнага развіцця Рэспублікі Беларусь.

У конкурсе могуць прыняць удзел фізічныя асобы, у тым ліку са статусам індывідуальнага прадпрымальніка (аднаасобна); група асоб ад двух чалавек, у тым ліку творчыя калектывы і арганізацыі.

Для ўдзелу неабходна падрыхтаваць творчыя матэрыялы, якія адлюстроўваюць важнасць і/або значнасць інтэлектуальнай уласнасці.

Фарматы работ – графіка, відэа, аўдыё на тэму інтэлектуальнай уласнасці. Работы прымаюцца на рускай і/або беларускай мове.

Кожны ўдзельнік можа прадставіць некалькі работ (на кожную працу – асобная рэгістрацыя). Анлайн-рэгістрацыя на конкурс праводзіцца з дапамогай запаўнення формы.

Працы не прымаюцца, калі яны:

• не з'яўляюцца аўтарскімі;
• супярэчаць прынцыпам гуманнасці і маралі;
• уключаны ў пералік экстрэмісцкіх матэрыялаў;
• парушаюць аўтарскія правы трэціх асоб.

Прыём конкурсных работ – па 15 снежня 2025 г. Заяўкі, якія не адпавядаюць устаноўленым тэрмінам і патрабаванням, разглядацца не будуць.

Пераможцаў чакаюць каштоўныя прызы, а лепшыя працы стануць сацыяльнай рэкламай.

Па пытаннях удзелу ў конкурсе звяртацца па тэл.: +375 (17) 272 96 69 або па электроннай пошце: cys@ncip.by.

З падрабязнай інфармацыяй пра конкурс можна азнаёміцца па спасылцы.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: НЦІУ