У. Рабаволаў: Сёння важна падтрымліваць прафесійны шматбаковы дыялог, грунтуючыся на прынцыпах адкрытасці і раўнапраўнага ўдзелу ўсіх бакоў

9 ліпеня 2024 г. генеральны дырэктар Нацыянальнага цэнтра інтэлектуальнай уласнасці (НЦІУ) Уладзімір Рабаволаў выступіў з агульнай заявай на 65-й серыі пасяджэнняў Асамблей дзяржаў-членаў Сусветнай арганізацыі інтэлектуальнай уласнасці (САІУ).

У сваім выступленні у.Рабаволаў адзначыў, што супрацоўніцтва Беларусі і САІУ застаецца прыярытэтам і захоўвае сваю інтэнсіўнасць:

– Наша краіна прыхільная развіццю інавацыйнага складальніка нацыянальнай эканомікі праз стварэнне ўмоў для творчасці і наватарства. На дасягненне гэтай мэты ўплываюць як унутраныя, так і знешнія фактары. На жаль, сёння мы працягваем сутыкацца з дэструктыўнай палітыкай шэрагу дзяржаў, што праяўляецца санкцыйным ціскам і спробамі палітызацыі дзейнасці міжнародных арганізацый.

У. Рабаволаў падкрэсліў, што гэта, у сваю чаргу, перашкаджае паўнавартаснаму выкарыстанню патэнцыялу сістэмы інтэлектуальнай уласнасці заяўнікамі, якія імкнуцца стаць часткай міжнароднай навукова-тэхнічнай і эканамічнай супольнасці:

– І галоўнае, гэта стварае рэальную пагрозу асноватворным прынцыпам функцыянавання глабальнай сістэмы інтэлектуальнай уласнасці. У існуючым кантэксце як ніколі важна падтрымліваць прафесійны шматбаковы дыялог, грунтуючыся на прынцыпах адкрытасці і раўнапраўнага ўдзелу ўсіх бакоў. Толькі так мы зможам выпрацаваць збалансаванае рашэнне пры выбудоўванні эфектыўнай глабальнай сістэмы інтэлектуальнай уласнасці. Са свайго боку, пацвярджаем гатоўнасць і надалей прыкладаць максімум намаганняў для ўмацавання мандата САІУ і выбудоўвання канструктыўнага дыялогу з усімі дзяржавамі-членамі арганізацыі.

65-я серыя пасяджэнняў Асамблей дзяржаў-членаў САІУ праходзіць з 9 па 17 ліпеня 2024 г. у Жэневе (Швейцарыя).

Больш навін аб інтэлектуальнай уласнасці – у нашых сацсетках (Facebook, Instagram, Telegram).