У НЦІУ праходзіць адукацыйная праграма для прадстаўнікоў Ведамства інтэлектуальнай уласнасці Манголіі

З 4 па 11 кастрычніка 2025 г. у Мінску праходзіць візіт дэлегацыі прадстаўнікоў Ведамства інтэлектуальнай уласнасці Выканаўчага агенцтва Урада Манголіі. Праграма знаходжання замежных спецыялістаў арганізавана ў рамках рэалізацыі Мемарандума аб узаемаразуменні, падпісанага паміж Ведамствам інтэлектуальнай уласнасці Выканаўчага агенцтва Урада Манголіі і Нацыянальным цэнтрам інтэлектуальнай уласнасці (НЦІУ).

У ходзе візіту прадстаўнікі мангольскага боку прымаюць удзел у XIII Міжнародным форуме «Антыкантрафакт-2025», а таксама ў працы V Міжнароднай навукова-практычнай канферэнцыі «Інтэлектуальная ўласнасць у сучасным свеце: выклікі часу і перспектывы развіцця». Акрамя таго, у НЦІУ для дэлегацыі арганізаваны навучальны курс, прысвечаны актуальным пытанням абароны і кіравання інтэлектуальнай уласнасцю.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: Алена Васіленка