Фотавыстава НЦІУ, прымеркаваная да 80-годдзя вызвалення Беларусі ад нямецка-фашысцкіх захопнікаў

Нацыянальным цэнтрам інтэлектуальнай уласнасці (НЦІУ) падрыхтавана фотавыстава, прымеркаваная да 80-годдзя вызвалення Беларусі ад нямецка-фашысцкіх захопнікаў.

Экспазіцыя дзеліцца на 6 асноўных напрамкаў, кожны з якіх адлюстроўвае пэўныя падзеі ў гісторыі Беларусі падчас Вялікай Айчыннай вайны і прадстаўляе людзей, якія ўнеслі значны ўклад у барацьбу з фашызмам.

• «Генацыд беларускага народа ў гады вайны» – агляд трагічных падзей, звязаных з генацыдам беларускага народа ў перыяд Вялікай Айчыннай вайны.
• «Жанчыны на вайне» і «Дзеці вайны» – іх жыццё і лёс у ваенны час, прыклады адвагі, мужнасці і гераізму, а таксама неацэнны ўклад у перамогу.
• «Вызваленне Беларусі» – ваенная аперацыя па вызваленні Беларусі ад нямецка-фашысцкіх захопнікаў, а таксама роля беларускага народа і савецкіх войскаў у гэтай гістарычнай падзеі.
• «Беларусь партызанская» – партызанскі рух у Беларусі ў гады вайны, уклад партызан у барацьбу супраць фашысцкіх акупантаў.
• «Жыць, змагацца і тварыць» – дэманстрацыя вынаходніцтва, наватарства і творчасці ва ўмовах цяжкіх ваенных выпрабаванняў.

Фотавыстава стала значным мерапрыемствам у жыцці НЦІУ, напамінаючы пра тых, хто ішоў скрозь цяжкія выпрабаванні і наблізіў перамогу.

Больш навін аб інтэлектуальнай уласнасці – у нашых сацсетках (Facebook, Instagram, Telegram).