2 красавіка – Дзень яднання народаў Беларусі і Расіі

2 красавіка штогод адзначаецца Дзень яднання народаў Беларусі і Расіі. У гэты дзень у 1996 г. кіраўнікі дзвюх дзяржаў падпісалі Дагавор аб стварэнні супольнасці Расіі і Беларусі, а праз год – Дагавор аб Саюзе Беларусі і Расіі, што паклала пачатак працэсу ўзаемнай інтэграцыі дзвюх краін.

Прызнаючы неабходнасць аб’яднання намаганняў для развіцця сферы інтэлектуальнай уласнасці, яшчэ ў 1994 г. было заключана пагадненне паміж Урадам Рэспублікі Беларусь і Урадам Расійскай Федэрацыі аб супрацоўніцтве ў галіне аховы прамысловай уласнасці.

У рамках працягу ўзаемадзеяння ў дадзеным напрамку 13 сакавіка гэтага года падпісана пагадненне паміж Урадам Рэспублікі Беларусь і Урадам Расійскай Федэрацыі аб супрацоўніцтве ў сферы інтэлектуальнай уласнасці.

Акрамя таго, упаўнаважанымі дзяржаўнымі органамі і арганізацыямі дзвюх краін на сістэматычнай аснове прымаюцца рашэнні, накіраваныя на гарманізацыю заканадаўства і інфраструктуры ў сферы інтэлектуальнай уласнасці. У рамках указанай работы падпісаны наступныя дакументы:

• Мемарандум аб узаемаразуменні паміж Нацыянальным цэнтрам інтэлектуальнай уласнасці (НЦІУ) і Федэральнай службай па інтэлектуальнай уласнасці (Расійская Федэрацыя);
• Мемарандум аб прадастаўленні доступу да інфармацыйна-пошукавай сістэмы патэнтнага пошуку Patsearch паміж НЦІУ і Распатэнт;
• Мемарандум аб супрацоўніцтве ў развіцці адукацыйнай дзейнасці ў сферы інтэлектуальнай уласнасці і развіцці інавацый паміж НЦІУ і Расійскай дзяржаўнай акадэміяй інтэлектуальнай уласнасці (РДАІУ);
• Пагадненне аб супрацоўніцтве паміж НЦІУ і Усерасійскім таварыствам вынаходнікаў і рацыяналізатараў;
• Дагавор аб рэалізацыі сеткавага трэка паміж НЦІУ і РДАІУ;
• Пагадненне аб супрацоўніцтве паміж НЦІУ і Асацыяцыяй Цэнтраў падтрымкі тэхналогій і інавацый;
• Мемарандум аб супрацоўніцтве па пытаннях выкарыстання ведамасных інфармацыйных сістэм паміж НЦІУ і Распатэнт.

У якасці інструмента для развіцця партнёрства выкарыстоўваюцца ў тым ліку пляцоўкі Сусветнай арганізацыі інтэлектуальнай уласнасці і ЕАПА, Еўразійскай эканамічнай камісіі і Выканаўчага камітэта Садружнасці Незалежных Дзяржаў.

Шматвектарная сумесная дзейнсаць спрыяе павышэнню навукова-тэхнічных магчымасцей не толькі асобных краін, але і ўсяго рэгіёну, што спрыяльна адбіваецца на ўмацаванні патэнцыялу Беларусі і Расіі і яднанні народаў.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).