2 красавіка адзначаецца Дзень яднання народаў Беларусі і Расіі

Штогод 2 красавіка адзначаецца Дзень яднання народаў Беларусі і Расіі. У гэты дзень 30 гадоў назад кіраўнікі дзвюх дзяржаў падпісалі Дагавор аб стварэнні Супольнасці Расіі і Беларусі, а праз год – Дагавор аб Саюзе Беларусі і Расіі, што паклала пачатак працэсу інтэграцыі дзвюх краін.

Прызнаючы неабходнасць аб’яднання намаганняў для развіцця сферы інтэлектуальнай уласнасці, яшчэ ў 1994 г. заключылі Пагадненне паміж Урадам Рэспублікі Беларусь і Урадам Расійскай Федэрацыі аб супрацоўніцтве ў галіне аховы прамысловай уласнасці. У рамках працягу ўзаемадзеяння ў гэтым напрамку 13 сакавіка 2025 г. было падпісана пагадненне паміж Урадам Рэспублікі Беларусь і Урадам Расійскай Федэрацыі аб супрацоўніцтве ў сферы інтэлектуальнай уласнасці.

Акрамя таго, упаўнаважанымі дзяржаўнымі органамі і арганізацыямі дзвюх краін на сістэматычнай аснове прымаюцца рашэнні, накіраваныя на гарманізацыю грамадскіх адносін у сферы інтэлектуальнай уласнасці з мэтай удасканалення інфраструктуры. Вынікам гэтага ўзаемадзеяння стала падпісанне цэлага шэрагу ключавых дакументаў, сярод якіх:

• Мемарандум аб узаемаразуменні паміж Нацыянальным цэнтрам інтэлектуальнай уласнасці (НЦІУ) і Федэральным інстытутам прамысловай уласнасці (ФІПУ);
• Мемарандум аб прадастаўленні доступу да інфармацыйна-пошукавай сістэмы патэнтнага пошуку Patsearch паміж НЦІУ і ФІПУ;
• Мемарандум аб супрацоўніцтве ў развіцці адукацыйнай дзейнасці ў сферы інтэлектуальнай уласнасці і развіцці інавацый паміж НЦІУ і Расійскай дзяржаўнай акадэміяй інтэлектуальнай уласнасці (РДАІУ);
• Пагадненне аб супрацоўніцтве паміж НЦІУ і Усерасійскім таварыствам вынаходнікаў і рацыяналізатараў;
• Дагавор аб рэалізацыі сеткавага трэка паміж НЦІУ і РДАІУ;
• Пагадненне аб супрацоўніцтве паміж НЦІУ і Асацыяцыяй цэнтраў падтрымкі тэхналогій і інавацый;
• Мемарандум аб супрацоўніцтве па пытаннях выкарыстання ведамасных інфармацыйных сістэм паміж НЦІУ і ФІПУ.

Дыялог таксама актыўна развіваецца на палях буйных міжнародных платформаў – пляцоўкі Сусветнай арганізацыі інтэлектуальнай уласнасці і ЕАПА, Еўразійскай эканамічнай камісіі і Выканаўчага камітэта Садружнасці Незалежных Дзяржаў.

Шматвектарная сумесная праца спрыяе павышэнню навукова-тэхнічнага патэнцыялу дзвюх краін як паасобку, так і ўсяго рэгіёна, што станоўча ўплывае на ўмацаванне пазіцый Беларусі і Расіі, садзейнічаючы яднанню народаў.

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).

Фота: Злата Лукашэвіч