На шляху да фіналу конкурсу ў сферы вынаходніцтва «Лепшы патэнт Беларусі»: ААТ «БЕЛАЗ» - кіруючая кампанія холдынгу « БЕЛАЗ-ХОЛДЫНГ»

1 октября 2024

Падзеі

Па папярэдніх выніках конкурсу ў сферы вынаходніцтва «Лепшы патэнт Беларусі» вызначаны 15 фіналістаў, адным з якіх стала ААТ «БЕЛАЗ» – кіруючая кампанія холдынгу «БЕЛАЗ-ХОЛДЫНГ» – найбуйнейшы сусветны вытворца кар'ерных самазвалаў і транспартнага абсталявання для горназдабыўной і будаўнічай прамысловасці.

На конкурс прадстаўлены распрацаваны ААТ «БЕЛАЗ» «Дыскавы тормаз транспартнага сродку», які ахоўваецца патэнтам на карысную мадэль Рэспублікі Беларусь № 13039.

Задачай карыснай мадэлі з'яўляецца павышэнне надзейнасці тормаза, бяспекі ў працы, паляпшэнне эфектыўнасці тармажэння і зніжэнне выдаткаў у эксплуатацыі. Названае тэхнічнае рашэнне накіравана на павышэнне тэрміну службы тармазоў і іх элементаў пры адначасовым зніжэнні кошту.

У цяперашні час дыскавы тормаз па патэнце на карысную мадэль Рэспублікі Беларусь № 13039 прымяняецца ў якасці выканаўчых механізмаў тармазной сістэмы на кар'ерных самазвалах «БЕЛАЗ-7531g».

Нагадаем, што вызначэнне пераможцы конкурсу і ўзнагароджанне адбудзецца ў рамках IV Міжнароднай навукова-практычнай канферэнцыі «Інтэлектуальная ўласнасць у сучасным свеце: выклікі часу і перспектывы развіцця», якая пройдзе 22-23 кастрычніка 2024 г.

Жадаем поспеху фіналісту конкурсу «Лепшы патэнт Беларусі»!

Больш навін аб інтэлектуальнай уласнасці – у нашых сацсетках (Facebook, Instagram, Telegram, VK).