Навука і выданні

Штогод Нацыянальны цэнтр інтэлектуальнай уласнасці (НЦІУ) ажыццяўляе навуковыя даследаванні і распрацоўкі па актуальных пытаннях сферы ІУ, у тым ліку па заказу Дзяржаўнага камітэта па навуцы і тэхналогіях Рэспублікі Беларусь, Еўразійскай патэнтнай арганізацыі і інш.

З апісаннем навукова-даследчых работ, зарэгістраваных у адпаведнасці з Указам Прэзідэнта Рэспублікі Беларусь ад 25 мая 2006 г. № 356, у Дзяржаўным рэестры навукова-даследчых, доследна-канструктарскіх і доследна-тэхналагічных работ, можна азнаёміцца па спасылцы.

Вынікі навуковых даследаванняў і распрацовак публікуюцца ў навукова-практычных выданнях Рэспублікі Беларусь, у тым ліку ў часопісе «Інтэлектуальная ўласнасць у Беларусі», і за мяжой, а іх абмеркаванне ажыццяўляецца ў рамках міжнародных канферэнцый, уключаючы штогадовую Міжнародную навукова-практычную канферэнцыю «Інтэлектуальная ўласнасць у сучасным свеце: выклікі часу і перспектывы развіцця», якая праводзіцца НЦІУ.

Навукова-тэхнічны савет

У мэтах вызначэння перспектыўных напрамкаў дзейнасці ў якасці навуковай арганізацыі ў НЦІУ створаны навукова-тэхнічны савет (НТС). Аднымі з асноўных задач НТС з'яўляюцца разгляд прапаноў і распрацоўка рэкамендацый па развіцці сістэмы аховы правоў на аб'екты ІУ ў Рэспубліцы Беларусь, а таксама фарміраванне напрамкаў навукова-даследчых работ у сферы ІУ. Старшынёй НТС з'яўляецца генеральны дырэктар НЦІУ.

Савет маладых навукоўцаў

У мэтах развіцця маладзёжнай навукі, павышэння ролі маладых вучоных у фарміраванні навуковай палітыкі і пашырэння навуковага патэнцыялу ў сферы ІУ пры НЦІУ створаны пастаянна дзеючы Савет маладых вучоных (СМУ).

Дзейнасць СМУ накіравана на прасоўванне навуковага і творчага патэнцыялу моладзі ў сферы ІУ, садзейнічанне прафесійнаму росту маладых навукоўцаў і іх актыўны ўдзел у навуковых даследаваннях і распрацоўках па пытаннях ІУ, а таксама ў навукова-практычных, адукацыйных і іншых мерапрыемствах.

Для рэалізацыі адной з ключавых функцый патэнтнага органа – давядзення да зацікаўленых звестак аб прадастаўленні прававой аховы аб'ектам прамысловай уласнасці – НЦІУ выдаюцца афіцыйныя бюлетэні: «Вынаходствы. Карысныя мадэлі. Прамысловыя ўзоры. Тапалогіі інтэгральных мікрасхем», «Таварныя знакі і знакі абслугоўвання. Геаграфічныя ўказанні» і «Сарты раслін», у якіх змяшчаюцца звесткі аб зарэгістраваных аб'ектах права прамысловай уласнасці, а таксама аб зарэгістраваных дагаворах на названыя аб'екты і звесткі пра змяненні, якія ўносяцца ў такія дагаворы.

Асноўныя вынікі дзейнасці НЦІУ па ключавых напрамках публікуюцца ў Гадавой справаздачы, якая выдаецца штогод.